🙏🏻 मी अशा कुटुंबातून आहे, की ज्या कुटुंबात येशू ख्रिस्ताची किंवा येशू ख्रिस्त हे नाव देखील ओळख नव्हती. केवळ देवाला शोधण्याचा प्रयत्न करणे आणि मोठे ज्याप्रमाणे आचरण करतात त्याप्रमाणे आपण देखील वागणे आणि देव म्हणजे केवळ या निर्जीव मूर्ती हेच मला वाटायचे पण खरा देव काय आहे ही ओळखच नव्हती आणि सर्व काही जगाच्या दृष्टिकोनातून व्यवस्थित होते आणि अचानक माझा जीवनात अशी घटना घडली की ते स्वीकारणे मला खूप कठीण होते आणि 2019 मध्ये माझ्या मिस्टरांचे निधन झाले. त्यावेळेस सर्व काही संपले असे वाटायचे आणि मना त खूप विचार यायचे परंतु माझ्या मनातील प्रश्नांची उत्तरे मला कुठेच मिळत नव्हती. या जगातील अनेक पुजारी वर्गाकडे गेले. भगतांकडे हि गेली तरीदेखील माझे समाधान होत नव्हते . अशा विचारांनी मी खूप डिप्रेशनमध्ये गेली. मला मार्ग काहीच दिसत नव्हता आणि कोविड-19 मुळे शाळा देखील बंद होत्या अशा परिस्थितीत. मला काहीच समजत नव्हते दिवसेंदिवस विचार व प्रकृती खालावत जात होती. त्यावेळेस माझी मुलगी इयत्ता चौथीत होती तिच्याकडे देखील मला लक्ष दिले जात नव्हते. माझ्या शेजारी एक विश्वासू कुटुंब राहतात त्या ताई माझ्याकडे यायच्या आणि माझ्यासाठी प्रार्थना करायच्या त्यानंतर मला बायबल पण दिले. मी बायबल मधील वचने वाचायची पण मला काहीच कळत नव्हते की हे कोणाविषयी आहे. परंतु त्यानंतर मला ऑनलाईन क्लासेस उन्नती बायबल स्टडी विषयी माहिती झाले आणि मी पा. क्लेपा आवळे सरांचे क्लासेस जॉईन केले. त्यानंतर मला या बायबल स्टडी क्लासेस मध्ये पवित्र ग्रंथ बायबल आणि बायबल कोणाविषयी बोलत आहे हे कळले तसेच जिवंत परमेश्वर आणि त्यात असलेली वचने , व अध्यात्मिक गोष्टी कशा असतात आणि सत्य वचन व प्रभू येशू ख्रिस्त याची शिकवण हे सर्व काही आम्हाला असाइन्मेंट तसेच क्लासेस मध्ये प्रश्नोत्तर द्वारे,चर्चेद्वारे उदाहरण देऊन आम्हाला समजावून दिल्या तसेच त्यांनी जे अध्यात्मिक शिक्षण आम्हाला शिकवले. त्यात मला ही जाणीव झाली, की मुळात आपण पापी आहे आणि पश्चाताप हाच यावर उपाय आहे आणि आपण येशु ख्रिस्तावर विश्वास ठेवून त्याचा शिकवणीवर व वचन आपल्या जीवनात किती महत्त्वाचे आहे. हे मला समजले आणि त्याप्रमाणे मी जगीक गोष्टीचा विचार न करता. जे माझं उर्वरित आयुष्य आहे ते मी देवावर विसंबून आणि त्याचा वचनाला माझा जीवनात दृढ धरून राहील व विश्वासा त वाढीन, कारण की अशा परिस्थितीत देवाने माझ्यावर कृपा केली की त्याने मला जीवन जगण्यासाठी स्थिर केलं. 20. 6 .2022 मध्ये मी बाप्तिस्मा घेतला. या उन्नती बायबल स्टडी मधून बायबल मधील सत्य वचन, वधस्तंभावर खेळलेला येशू ख्रिस्त हे ज्ञान या अध्यात्मिक सेवेमधून मिळाले. मी पास्टर आवळे सरांचे मनापासून आभार मानते. त्यांनी आम्हाला जे अध्यात्मिक ज्ञान दिले व खऱ्या देवाची ओळख करून दिली. देवाने माझ्यावर खूप कृपा केली. आता मी खूप स्थिर आहे व माझी मुलगी आता दहावीला आहे तिचा देखील मी चांगला सांभाळ करत आहे. जेव्हा खऱ्या देवाची ओळख नसते तेव्हा जीवन दिशाहीन सारखे असते परंतु जेव्हा खरा देव येशू ख्रिस्त हा आपल्या जीवनात कृपे द्वारे येतो. तेव्हा जीवना त कोणत्याही गोष्टीची उणीव भासत नाही. प्रत्येक गोष्टीत आपल्याला सामर्थ देतो. म्हणून मी देवबाप्पाला कोटी कोटी धन्यवाद देते . माझ्या जीवनातील सर्व चांगल्या गोष्टींसाठी देवाचे गौरव करते.🙏🏻

ख्रिस्ती घरात जन्म झाला आणि लहानपणापासूनच संडे स्कूल आणि चर्च च्या सर्व कार्यक्रमामध्ये हिरहिरीने सहभाग घेण्याची आवड होती. थोडे मोठे झाल्यावर, हा मंडळीतील सहभाग म्हणजेच सुदृढ अध्यात्मिक जीवन, हि समाज अधिक दृढ होत गेली. हेच विचार घेऊन ख्रिस्ती जीवन सुरु होते पण ते जीवन किती ख्रिस्ताविना व वचनविरहित होते हे आज समजते. उन्नती ट्रस्ट सोबत 2010 मध्ये संपर्क झाला व अनेक सेमिनार मधून देवाचे वचन कानावर पडले व ते अंतःकरणाशी बोलणारे व अध्यात्मिक नेत्र उघडणारे होते. पत्नी, आई, मुलगी, बहीण व देव बापाने नेमून दिलेल्या सर्व जबाबदाऱ्या कश्या पेलवाव्या ह्याचे मार्गदर्शन सतत ह्या सेमिनार्स मधून मिळत गेले. सर्व प्रसंगी वचनाद्वारे कान उघाडणी झाली, स्वतःचे पाप समजले व पश्चताप हि देणगी प्रभुपासून मिळाली. स्वजीवन व त्वाद्वारे परमेश्वराचे गौरव हेच खरे ख्रिस्ती जीवन आहे हे समजले. रोज आणि रोज देवबाप नव्याने वचनातून बोलत आहे व मार्गदर्शन करत आहे. ह्या सर्व कृपेबद्दल परमेश्वराचे खूप खूप आभार व उन्नती ट्रस्ट आणि उन्नती चर्चचे सेवक - ससाणे सर व पास्टर क्लेपा ह्यांचे प्रभुमध्ये आभार व पुढच्या वाटचाली साठी खूप खूप शुभेच्छा.